Strandir Drangsneslína

4. apríl 2018 kl. 11:35

4.4.2018 kl. 11:29 Hluti Drangsneslínu verður tekinn út um kl 13:30 vegna bilunar. Gert er ráð fyrir að viðgerð taki allt að 2 klst. Sent úr Samsung-tækinu mínu

Varaaflskeyrslu á suðursvæði lokið

29. mars 2018 kl. 17:54

Um kl. 17:06 var rafmagn komið aftur á Tálknafjarðarlínu eftir viðgerð og öllum skerðingum lokið.

Rafmagnstruflunin 27. mars

28. mars 2018 kl. 10:42

Töluverðar rafmagnstruflanir urðu á öllum vestfjörðum skömmu eftir hádegi í gær. 

 

Vesturlína leysti út í Geiradal og Mjólká og olli það straumleysi á öllum Vestfjörðum um stund.

Varaaflsvélar í Bolungarvík komu fljótlega inn og varð straumleysi því stutt á norðanverðum Vestfjörðum.

Varaaflsvélar voru settar í gang á sunnanverðum fjörðunum. Lengst var spennuleysi í Dýrafirði.

 

Orsök þessarar útleysingar er bilun á Tálknafjarðarlínu.  Tálknafjarðarlína, sem er í eigu Landsnets, liggur frá Mjólká til Tálknafjarðar og sér sunnanverðum Vestfjörðum fyrir rafmagni.

 

Óvenjulegar veðuraðstæður á þessu svæði ollu einnig tjóni á Bíldudalslínu.  Ísing hefur myndast og er í.þ.m. einn staur brotinn í Tálknafjarðarlínu, slár og vír í sundur. 

Viðgerð er að hefjast og verður vonandi hægt að ljúka þeim fyrir kvöldið.

 

Á meðan eru varaaflsvélar Orkubús Vestfjarða keyrðar og ætti þetta ekki að valda forgangsnotendum frekari óþægindum.

Ekki frekari truflanir á Rauðasandslínu

27. mars 2018 kl. 16:04

Eftir skoðun á Rauðasandslínu um kl. 15:00 kom í ljós að ísing sem var á línuni var að mestu eða öllu leyti dottin af og þarf því ekki að rjúfa straum á línunni fyrir hreinsiaðgerðir.  Línan ætti að vera í góðu lagi eftir því sem best er vitað.

Rafmagn komið á aftur

27. mars 2018 kl. 14:43

Geiradalslína og Mjólkárlína sem eru flutningslínur Landsnets eru komnar aftur í rekstur og eru allir norðanverðir Vestfirðir komnir með rafmagn frá landskerfinu. Enn er varafl keyrt á sunnanverðum Vestfjörðum en Tálknafjarðarlína Landsnets er enn úti.

Eldri færslur