Undirritun samnings um stækkun stöðvarhúss Mjólkárvirkjunar.

30. mars 2011 kl. 13:40
1 af 2

Í dag var undirritaður samningur milli Orkubús Vestfjarða og Vestfirskra Verktaka um stækkun og breytingu á stöðvarhúsi virkjunarinnar.  Samningsupphæð eru rúmar 67 Mkr.  Verklegar framkvæmdir hefjast eftir næstu helgi.  M.a. verður stöðvarhúsið lengt um 6,3 m til að koma nýrri vélasamstæðu fyrir.  Lengingin gerir það að verkum að hægt er að framleiða raforku  með gömlu vélinni fram eftir sumri og er áætlað að stöðva hana fyrstu daga í ágúst.  Áætlað að nýja vélin verði komin í rekstur um miðjan september.

Tilboð í stækkun stöðvarhúss Mjólkárvirkjunar opnuð.

1. mars 2011 kl. 15:01

Í dag voru tilboð í stækkun stöðvarhúss Mjólkárvirkjunar opnuð.

Eftirfarandi tilboð bárust:


Meira

Jens Kristmannsson hættir störfum hjá Orkubúi Vestfjarða.

25. febrúar 2011 kl. 14:57
1 af 2
Í dag var haldið kveðjusamsæti í tilefni af starfslokum Jens Kristmannssonar.
Jens hóf störf hjá Orkubúinu 2. janúar 1979 og hefur nú látið af störfum eftir liðlega 33 ára starf.

Jens voru þökkuð ánægjuleg kynni og farsæl störf hjá Orkubúinu.

Í þakklætis- og kveðjuskyni  afhenti Orkubússtjóri honum vandaða bók að gjöf frá Orkubúinu.

Útboð. Stækkun og breyting á stöðvarhúsi Mjólkárvirkjunar.

3. febrúar 2011 kl. 15:43

Orkubú Vestfjarða óskar eftir tilboðum í viðbyggingu stöðvarhúss Mjólkárvirkjunar í Arnarfirði, merkt „Stækkun og breyting á stöðvarhúsi" 

Stærð viðbyggingarinnar er  60 m2 og 530 m3.  Stöðvarhúsið er byggt úr steinsteypu með steyptu bogaþaki.  Húsinu skal skila múrhúðuðu að utan, innanhúss skal einangra veggi og loft, klæða með gifsplötum og mála.  Brjóta þarf gaflvegg núverandi stöðvarhúss og framkvæma minniháttar breytingar á því. 

Helstu magntölur eru áætlaðar eftirfarandi:

Jarðvinna  1200 rúmmetrar  

Mótaflötur  760 fermetrar

Járnabending  18500 kg.

Steinsteypa  325 rúmmetrar

Múrbrot  60 rúmmetrar

Verklok eru áfangaskipt og uppsteypa skal vera langt komin fyrir 1. júlí 2011, þannig að niðursetning vatnshverfils geti hafist.   Verkinu skal vera að fullu lokið fyrir 1. október 2011.

Útboðsgögn verða seld á skrifstofu Orkubús Vestfjarða  Stakkanesi 1,

400 Ísafirði frá og með þriðjudeginum 8. febrúar gegn kr. 15.000,- óafturkræfu gjaldi.  Hægt að panta gögnin á netfangi orkubu@ov.is eða gg@ov.is.  Tilboðum skal skilað á sama stað fyrir kl. 14.00, þriðjudaginn 1. mars 2011, þar sem þau verða opnuð og lesin upp.

Orkubú Vestfjarða ohf.

Breytingar á verðskrám um áramót.

3. janúar 2011 kl. 11:56
    

Verðskrá Orkubús Vestfjarða fyrir raforkudreifingu hækkaði um 6% nú um áramótin. Hækkunin er tilkomin vegna verðhækkana á erlendum aðföngum og annarra verðlagshækkana. Þá hækkaði verðskrá OV fyrir hitaveitur einnig um 6% nú um áramótin af sömu orsökum.

  

Orkustofnun, sem fer með eftirlitshlutverk með tekjumörkum flutnings- og dreifiveitna, hefur yfirfarið hækkunina og staðfest að hún sé innan tekjuheimilda sem Orkubú Vestfjarða hefur skv. raforkulögum. Þá hefur iðnaðarráðuneytið staðfest hækkun á verðskrá OV fyrir hitaveitur og auglýst hana í stjórnartíðindum.

Virðisaukaskattur á rafhitun hækkar úr 2,59% í 7% nú um áramótin þar sem endurgreiðsla á skattinum fellur niður samkvæmt lögum sem Alþingi samþykkti fyrr í desember. Í fjárlagafrumvarpi fyrir 2011 var gert ráð fyrir niðurskurði á niðurgreiðslum til húshitunar, en til mótvægis við niðurfellingu á endurgreiðslu virðisaukaskatts til húshitunar, var fjármunum aftur bætt við þær við afgreiðslu fjárlaga fyrir árið 2011. Með reglugerð frá Iðnaðarráðuneytinu dags. 30. desember 2010 hafa niðurgreiðslur til rafhitunar á veitusvæði Orkubús Vestfjarða verið ákveðnar og hækka úr 3,54 kr/kWst í 4,15 kr/kWst í dreifbýli og úr 2,63 kr/kWst í 2,81 kr/kWst í þéttbýli. Niðurgreiðslur vegna kynntra hitaveitna breytast ekki.

Nýjar verðskrár má finna á ov.is.

Eldri færslur